移至主內容

2019年1月號跑步特刊

做一本跑步特刊,封面封底都係阿堅,戥佢開心之餘,亦有啲憂慮運動員因為咁而受到傳媒不必要騷擾,而馬拉松艱辛鍛煉返嚟嘅專注、紀律亦因外力干預而受到影響。

但係咁講法,其它運動員都一樣,歐鎧淳仲百足咁多爪,但一樣喺本業創出比以前更好嘅成績;所以,如果運動員出咗名,係唔應該影響到佢本業嘅質素,呢個並冇因果關係。

如果講兩者關係嘅話,係關係到當運動員有更多姿多彩嘅生活時,佢仲有幾鍾意個運動項目,願意付出更多犧牲更多去維持甚至提高水平。

最近,睇完《強風吹拂》一本著名小說,阿堅其實有啲似裡面嘅主角藏原走。一個唔契合世界規矩,一心向住自己所愛,獨自以自己方式追尋跑步真締嘅人。

我希望佢可以一直維持呢個心境。香港環境對追夢嘅人嚟講非常惡劣,但願佢遇上佢嘅清瀨,搵到一直跑落去嘅理由。