移至主內容

衝出香港, 有冇得諗?

20180827
.
近兩期封面人物都唔係本土香港人,今期仲要成個封面故事都係訪問外籍人士,索性將內容譯埋英文。

上個月台灣,今個月「鬼佬」,發現原來「外地人」都對本雜誌好有興趣,都有幾多人問邊度有得買,台灣仲有人inbox要求幫手留幾本等佢哋有機會嚟香港時可以帶走。

本地市場,無疑願意睇字嘅讀者係減少緊,而且真正重視運動發展嘅人係少之又少,但如果開拓埋海外市場又有冇得諗呢?

紙媒式微,當一本又一本雜誌摺埋,大環境好似真係喺度壓榨緊雜誌嘅生存空間。問題係,個空間真係會壓到成為零,定係只係細咗?

其實細咗係唔驚嘅,因為運動雜誌嘅空間,從來就冇廣闊過。