移至主內容

FIVB 女排聯賽

FIVB世界女排聯賽2018一連3日(29-31/5)喺紅館開波,今年除咗依然有中國國家隊參與,仲有意大利、日本及阿根廷隊,論實力絕對係值得睇嘅世界級對壘!

之但係我又好疑惑,點解咁大件事會安排喺星期二至四呢啲咁濕滯嘅日子?

原來主辦單位為咗遷就賽期,係將比賽定喺每日夜晚6pm-10pm打,咁可以話好多打工仔女都可以入埸睇!而賽程安排上亦專登俾中國隊喺每日20:30pm作賽,務求球迷有足夠時間入場,享盡主場之利。

需知道世界女排大獎賽 (呢個比賽嘅前身) 一向都係喺暑假打,咁入場就多數都係親子組,而家改變咗安排,可以留意來睇波支持嘅球迷有冇改變。我就收到風,好多本地甲一甲二排球隊都入手咗唔多球票,一連三晚,紅館好可能成為本地排球迷嘅嘉年華!