移至主內容

【跑步園地】 - 邀請寫手

上門拜訪一位曾經訪問過嘅跑友。自從上次一別,add咗佢FB近兩年,睇住佢喺跑步範疇愈搞愈多嘢,亦見到佢文筆思維極有可塑性,就傾傾寫專欄可能性。

一傾,先知原來佢係由第一期開始已認識soho嘅資深讀者,講起,已經係近10年前嘅事。

話當年,講跑心,望將來,哇,唔經唔覺3粒鐘+。大叔期間精句頻仍,例如:「做廣告可能培養咗個同理心,好似例如你sell衛生巾咁,就要代入女性心理,諗吓點樣吸引到佢注意。好嘅文章,其實係要講啲人地想聽嘅,未必要點樣特別獨到,而係要觀察到、了解到個對象想睇見聽到咩嘢」
就憑呢個見解,值得請大叔寫吓嘢。即使寫「跑步,係一種運動」阿媽係女人式嘅文章,我有信心大叔會寫到「原來阿媽係女人得嚟仲要唔係男人」果種好似講咗嘢令人嘖嘖稱奇嘅感受,引起共鳴。