移至主內容

PR的存在意義

早前出席2XU的傳媒活動,覺得經驗非常不錯,可堪各界PR留意。

以下內容完全是從編輯部角度出發,得罪各行各業唯有說「不好意思」,但我不會收回言論。

---------------------------------------------------------------------------------------

首先,請各PR留意、認清楚:編輯部是沒有責任為閣下客戶提供的任何內容作出任何形式的報導。即是說,即使我去咗你個event,我都係冇責任去報導嘅,而其一最大而高達90%既原因,係單料唔值得報。

咁點解來個event?

多數情況,50% 因為以為值得報,50%因為贈品吸引。

當件事得50%值得報,冇個贈品呢,其實編輯部係唔會夠意欲來。

係呀,記者們就係咁現實。

所以呢,贈品吸引係有吸引力。而又要留意,即使贈品吸引,但單料係唔值得報,編輯部都係唔會派人,因為件事都係唔夠分。

 

呢個時候,PR們應該點算?

2XU PR做咗好好既示範:安排有吸引力既受訪者在場。

當見到有吸引力既受訪者在場,而可以預見到個timeslot係有足夠時間同受訪者傾計,件事就加咗30分。

50分+30分,合格,可以去馬。

 

而另一個加分地方,係PR講明,個event可以唔報,只係俾空間記者們同品牌大使(受訪者)相聚吓。

嘩,聽到呢個做法,再加10分。

 

即係當中成件事,見到2XU個品牌係對編輯部有個尊重,而且佢安排品牌大使一個唔短既時間喺度,係真正俾到時間我去同佢地傾計、訪問。可以見到PR係知道品牌新產品冇乜嘢值得報,而嘗試用另一方式俾記者有個exposure option。

我尊重佢地既嘗試,亦覺得咁樣其實work。所以就講吓咁。

 

2XU 夏季 GHST系列,運動背心以96gsm布料製造,再加入Polygiene質料防菌除臭。

新一季產品來說,呢個輕身布料,target運動友既line係值得留意。