移至主內容

橋牌的運動性

橋牌入圍2018年亞運, 就為佢做個feature, 睇吓佢點樣運動法。

咁事前就當然要讀吓書, research吓, 睇吓片咁, 咁點玩呢, 睇完都係唔明既......所以訪問時盡量避開唔問technical嘢, 不斷用自己識既嘢做類比, 聆聽多, comment少, 起碼唔會俾受訪者覺得你流先。

係呀, 有時做記者都會好似演員咁。

因為如果受訪者覺得你太流呢, 佢會當你係小學生咁講啲好基本既嘢, 咁事實上, 你個訪問唔係想寫 "Dummy guide for Contract Bridge"嘛, 而係真係想觀察吓橋牌生態, 所以隱惡揚善係重要既......當受訪者覺得眼前呢個人都OK喎 (咩為之OK真係好難解釋), 就會比較願意講一啲深入啲既嘢。

回歸正題 ---> 橋牌搞乜鬼係運動先?

做完幾個訪問, 其實受訪者都唔係好重視佢係咪運動。

甚至乎, 其實橋牌入亞運, 受訪者都唔係太雀躍, 因為對佢地來說, 亞運都只不過係一個比賽, 同每年既亞錦賽冇乜分別......當然都會關心:咦, 多咗人睇喎, 有直播!

但因為橋牌對大眾觀賞性奇低, 其實多人睇, 都只會即刻轉台, 冇乜大意義。

咁受訪者著眼點係咩呢?

係拿成績。因為如果港隊拿到牌, 就真係會提升成個項目的地位, 反而其它嘢, 受訪者全部都事業有成, 唔係咁重視。

喂, 咁橋牌搞乜鬼係運動先?

我都係自己做功課先知, 要定義為運動, 其實唔係睇出唔出汗, 活動激唔激烈, 而係睇佢有冇完整, 公平既規則。即係如果太訴諸運氣, 好似Poker咁, 就冇可能既, 但一般所有棋類, 其實都係運動。

一樣嘢係咪Sports, 其實外國唔係好重視, 奧運既本意, 其實係各國之間互相交流, 喺一個公平既平台下, 大家各施各法去爭取勝利, 從而推動互相進步, 所以對外國嚟講, 係Olympic Games, 唔係Olympic Sports Games。

原來到頭來係一個翻譯問題。

你可能會問:「喂!係咪真嫁!」

其實我都係做完功課斷估嫁, 唔係你話我知, 點解電競可以係運動?