移至主內容

香港國際影視節 (FILMART) 19-22/3/2018

喂,電影展都關咩事呀?

關嫁,話說今年年中有套戲叫【逆流大叔】將會上畫,我上年就係喺呢個場地訪問導演陳詠燊,果陣都未有「天下一」(onecoolfilm)嘅展位。

.
呢套戲個主題係龍舟,自然會揀端午節附近啲時間上,而家做緊後期。佢上年其實喺隔離HAF(香港亞洲電影投資會)集資,未改名時叫做【萬水千山縱橫】,而當時仲有【由齡開始】(保齡球)呢啲疑似胎死腹中嘅運動電影計劃。今年呢,又俾我撞到一齣叫做【逆風少年】,又即管睇吓拍唔拍得成。

 


呢個影視展,每年都做得愈來愈...我唔敢講好...但係確實愈來愈齊全,亦都喺適當位置擺返一啲推動小製作嘅攤位例如鮮浪潮咁,而睇到大陸嘅一個展區,果個大型同埋果個量,真係會覺得香港市場好細,大陸求其一個福建館已經可能多香港幾倍製作量。

.
而今年第一次見到呢個國家對外乜乜基地(叫得做基地係咪有兵?好有畫面)係咩玩法呢?電影業好複雜,我都係返運動界去返球場先。