吳家祺創生涯最佳成績 亞錦賽挑戰奧運冠軍奪第四
2025亞洲體操錦標賽日前於6月8日在韓國堤川落幕，當中被譽為體操港隊新一代主力的吳家祺表現亮眼，在男子跳馬取得第四名，寫下個人亞錦賽最佳成績。吳家祺指今屆亞錦賽的選手水平很高：「喺我前三名嘅運動員都係奧運冠軍、奧運獎牌又或者全國冠軍，我覺得同呢啲水平嘅運動員比賽係好好嘅機會表現自己，今次算係我生涯上發揮得最好嘅一次，雖然同獎牌擦肩而過有啲失望，但對自己嘅表現都係滿意嘅。」
吳家祺在決賽以兩套高難度動作完成賽事。
在比賽第一天的初賽中，吳家祺首跳失誤，但在男子跳馬初賽仍然以平均分13.550分排在第六位晉級決賽。到決賽之間相隔三日，他便盡力放鬆心情，調整好心態去面對壓力，最終在決賽以兩套高難度動作完成賽事，分別得14.433及14.066分，以平均分14.250分排在決賽第四，家祺表示：「呢兩套動作大概喺一年前已經練緊，但係嗰陣成功率一直都唔係咁穩定，呢一年喺訓練上做多咗測試，模擬比賽個場景，盡量將穩定性提高，令到喺真正比賽嘅時候更容易應付。」這次他寫下個人亞錦賽最佳成績，與「跳馬王子」石偉雄（2022年亞錦賽跳馬第四名）一樣是港隊在亞錦賽跳馬中最好的成績（第四名)，惟以0.83分之差僅負巴黎奧運男子自由體操與跳馬項目金牌得主、菲律賓名將于羅（Carlos Yulo) 無緣獎牌。
他把目標設定在亞運會和爭取奧運會的資格上，又表示不會以名次去限制自己。
剛完成這次大賽，家祺表示會緊接開始安排訓練計劃，備戰下年亞運及2028奧運，上屆得到亞運會第七名的他把目標設定在亞運會和爭取奧運會的資格上，又表示不會以名次去限制自己：「亞運同奧運都係我最想達到嘅目標，但唔想用一個成績去限制自己，主要想享受比賽為主，當然我都係想衝擊獎牌，但我只要發揮到自己就可以。」
Text : Melo Chan
Photo : 受訪者提供
