輪椅羽毛球

好多人問我，作為香港第一個輪椅羽毛球運動員，條路係點樣行出嚟嘅呢？

坦白講，路途絕對唔簡單。有啲時候，我都好羨慕其他隊嘅年輕運動員，喺成長、發展嘅過程中，有師兄師姐提攜，有前人嘅路徑可以模仿。既然我堅持揀咗一條同人哋唔同嘅路，就要走落去。

踏入新一年，相信好多讀者都過咗個美好嘅假期。讀者們有無好好奇到底我哋全職運動員嘅工作時間，同埋假期到底係點樣？
作為一個體育學院嘅全職運動員，我哋每人每個星期至少要訓練25個小時，如果係一個著重細節嘅運動員，會去見運動心理學家、運動營養師，另外仲會花時間調理身體，例如按摩或者做物理治療等等，所以基本上每個星期會花大概35至40個小時喺你嘅「工作」上面。咁大家就會話：「咦？其實同一份辦公室嘅工差唔多咋喎」冇錯，時間上的確係差唔多，不過運動員就係每分每秒都要榨盡精力同體力去不斷超越自己。所以可以話哩一份係有工作時數上限嘅工作，並唔可以不停地OT。

同其他人談及歷屆殘奧，大家都知道香港隊有好好嘅成績，但當要佢哋講吓有咩運動員，大家可能只會講到蘇樺偉、余翠怡等七金、六金名將，而其他運動員大家認知都唔多，更遑論會認得你個樣。

大家想知道殘疾運動員係點樣出門嗎？
大部份殘疾運動員都會同團隊一齊出隊，所以喺行程同照顧方面都會比較足夠。
筆者效力咗香港代表隊十六年嘅時間，由於殘疾人羽毛球哩個項目以前並唔係咁多人參與，而且輪椅羽毛球都只有我一個人，所以經常會出現我一個人出外集訓或一個人出外比賽嘅情況。(筆者撰文時，正正是一個人到杭州出席羽毛球的國際活動)每次發生哩個情況嘅時候，便如臨大敵。試想像一個殘疾人士，要攞住兩件行李，一對拐杖，一部輪椅，再加上個球拍袋。換着你，你會點處理？

我拎拍打羽毛球就多，但係執筆寫文章就極少，今次第一次同大家見面，就同大家講吓到底輪椅羽毛球運動員嘅裝備同普通羽毛球運動員嘅裝備有幾大分別。

一位二十三歲年青人，因一次意外而需即場截肢，人生從此改變；十四年後，這位輪椅上的鬥士成為奧運銅牌得主，以殘疾運動員身份「發光」。故事的主人翁陳浩源（下稱：Daniel）回顧當年何以「踏出」成為全職輪椅羽毛球運動員的一步，關鍵在於尋找價值：「當年因意外成為殘疾人士而失去很多能力，坦白說我覺得自己已失去很多價值，而我成為殘疾運動員的其中一個目的，就是要尋找自己的『剩餘價值』！」